RATU GEDHENG PERMONI
.jpg)
JEJAKMISTERI - Ratu gedeng permoni iki,, ratu ne bongso siluman sek manggone nang awang-awang duwur gunung salak.. iso di tarik kesimpulane yen de e iku yo termasuk salah siji ne ratu sek kuasai bongso siluman nang tlatah pulau jowo,, duweni watak bengis,, serakah,, terus sek paling populer di kenal dadi musuh bebuyutane ratu segoro kidul.. okeh penguasa bongso siluman sek seko luar jowo podo gabung dadi sekutune ratu gedeng permoni iki...
Awal mulane aku ngerti ratu gedeng permoni mergo di kandani karo ratu segoro kidul.. kedadeane yo wes lumayan suwe,, sekitar 5 tahun kepungkur.. pas wayah wengi kui bulan purnama,, koyo dino-dino biasane aku yo mung lungguhan santai nang kamar.. di cepaki suguhan kopi sek komplit sak cemilane.. lha ning sopo sek ngiro?? lagi enak-enake nyruput kopi,, ngerti-ngerti nang njero kamarku semlengit mambu wangine parfum minyak misik..
Pas kui aku yo mung batin wae,, "iki mesti lagi ono tamu sek teko mrene"
Wes,, yen tak titeni seko wangi ciri khas e,, aku hafal banget kui minyak gondho arume dewi lanjar.. wektu kui awaku jan jane lagi kurang penak,, mergo saking kesele leh kerjo nguli lembur sedino.. ning tetep tak kuat-kuatne leh ku melek ke mripatku,, mergo aku lagi aras arasan wae,, opo maneh di tambah kerawuhan dewi lanjar.. biasa ne,, nek aku ra kuat bakal langsung keturon dewe.. aku ngerti nek nganti di tekani ngene iki,, mesti ono kabar kahanan sek genting.. wes pokok inisiatif etok-etok wae aku ora nggape.. ning kok dilalah dewi lanjar tetep iseh meneng wae, ora lungo-lungo.. banjur malah bisiki nang kupingku,,
"Assalamualaikum kanjeng,," (uluk salam e dewi lanjar)
Aku tetep meneng wae,, etok-etok ora krungu.. let sediluk dewi lanjar ucap salam maneh,,
"Assalamualaikum kanjeng,"
Mergo keroso risih,, banjur tak semayani jawab salame..
"Wa alaikumus salam,," jawabku
"Kanjeng niku lho,, kok guyoni kulo njih,? (sambi guyu lirih)
"Mboten guyoni kok," (balasku karo nyengir)
"Nyuwun sewu njih,, menawi kulo ganggu njenengan,"
"Njih mboten menopo kok,, pripun ono pawartos nopo kok wengi-wengi kadingaren sowan mrene?," (pitakonku)
"Niki kulo namung di dawuhi ibu (ratu segoro kidul) supoyo sowan mriki nyampekne pesen kanggo njenengan.
"Pesen menopo niku?,"
"Kanjeng di suwun kaleh ibu (ratu segoro kidul) sowan wonten bale sokho dhomas,"
"Kapan,? sakniki,?
"Njih leres kanjeng, (jawab e dewi lanjar)
Akhire gelem ora gelem yo tak turuti kekarepan e dewi lanjar mau..
"Njih sumonggo,, nek rep budal sakniki," (kandaku marang dewi lanjar)
Banjur, dewi lanjar mejem ne moto sambi moco mantra.. sajak e rep nyirep aku ben ndang cepet keturon.. sak kal sukmo ku terus di tuntun mbi dewi lanjar,, banjur siap-siap mangkat.. pas lagi wae rep mlaku,, jebul seko arah ngarep jarak 5 meteran ono dewi blorong wes ngenteni nang pelataran omahku..
"Lho iki ono opo maneh kok dewi blorong sowan mrene? (takonku marang dewi blorong)
"Kulo namung ngancani yunda dewi lanjar mriki kanjeng," (jawab e dewi blorong)
"Oalah ngono toh,, kenopo kok ora melu mlebu mau? (takonku)
"Kulo isin ketemu njenengan,, riyin nate kondo tresno kaleh kanjeng ning njenengan mboten sami tresno (sambi mesem)
Aku mung guyu krungu jawaban e dewi blorong.. gandeng wektune wes rodo wengi,, akhire langsung budal bareng tumuju kerajaan segoro kidul bale sokho dhomas..
Singkat wektu,,,
Sak wis e tekan bale sokho dhomas,, jebul wes podo di tunggu jejer-jejer nang ngarep gapuro pintu masuk gerbang utama.. banjur aku di ajak mlebu lungguh nang pendopo paseban agung lir ilir..
"Assalamualaikum kanjeng,, cah bagus,," (uluk salam e ratu segoro kidul)
"Wa alaikumus salam,, pripun kabar pawartosipun sedoyo wonten mriki?(balesku)
"Alhmdulillah,, pandonganipun cah bagus sahe sedoyo ne mawon.."
"Njih kulo melu seneng menawi ngoten," niki sajak e ono opo njih kok katon dadakan (pitakonku)
Krungu pitakonku mau,, ratu segoro kidul mung mesem tok.. banjur de e mulai crito inti perkoro ne..
Cerito ne mekaten cah bagus..
Ono salah siji ne penguasa alas purwo sek jenenge prabu singo lodra nyenengi dewi condrowati (adik e dewi lanjar). Banjur ono ing salah siji ne wektu,, prabu singo sak rombongan sowan nang wilayah pantai utara nekani kerajaan e dewi lanjar kanggo niat ngelamar dewi condrowati.. prabu singo lodra teko mrono di kancani karo ratu gedeng permoni lan nyimas gondho mayit.. nanging,, lamaran e mau di tolak mbi dewi condrowati mergo dewi condrowati wes duwe kekasih.. mergo watak bringas e prabu singo lodra sek serakah akhire dadekne angkoro murko.. dewi condrowati di pekso kudu gelem dadi bojone..
Ngerti nek posisi dewi condrowati di pekso kyo ngono,, dewi lanjar sajak ora trimo.. akhire prabu singo lodra merintahne bolo-bolone kanggo nyerang kerajaan dewi lanjar.. akhire peperangan wes ora iso di leremne,, kerajaan pantai utara wektu kui geger sak isi ne.. mergo prabu singo lodra duwe sekutu ratu gedeng permoni lan nyimas gondho mayit ngamuk obrak abrik kabeh sek ono nang njero kono.. mulo dewi lanjar kuwalahan ngadepi gempuran lan ora iso nyelametne dewi condrowati sek wes di gowo kabur karo prabu singo lodra.. ning dewi lanjar tetep nguyak rombongan e prabu singo lodra mau.. semono ugo senopati ne dewi lanjar ono sek budal nang kerajaan ratu segoro kidul kanggo njaluk pitulungan bantuan.. akhire seko pihak segoro kidul kirim bantuan lewat utusan e yoiku putra mahkota segoro kidul prabu sukmo aji lan penasehat agung eyang naga wiru.. kabeh podo mangkat bareng-bareng kanggo goleki rombongan e prabu singo lodra.. banjur ora let suwe,, nang tengah perjalanan ketemu..
"Arep di gowo ngdi dewi condrowati?" (kanda ne sukmo aji)
"Arep tak gowo bali, tak dadekno bojo ku," (wangsulan e prabu singo lodra)
"Ora iso,, kudu ono corone sek apik yen arep di gowo," (balase sukmo aji)
"Ora butuh coro apik, seng penting dewi condrowati piye carane iso dadi bojo ku,," (sajake prabu singo lodra tetep ngotot)
"Yen ngono penjalukmu,, kudu tak semayani nganggo coro kasar..," (prabu sukmo aji wes ora duwe pilihan maneh)
Akhire dadi perang tanding....
Prabu singo lodra ngetokne gaman godho kuncoro ne,, prabu sukmo aji yo ora kalah ngetokne gaman rantai emas e.. duele podo imbang ora ono sek kalah lan ora ono sek menang.. mergo prabu singo lodra iku terkenal licik e,, akhire jaluk bantuan karo ratu gedeng permoni lan nogo ireng brojo pati kewan kesayangan e ratu gedheng permoni.. prabu sukmo aji yo ora dewean mergo wes di kancani mbi eyang naga wiru.. gandeng nogo ireng brojo pati iku terkenal wiso racun e sek mesti gowo pati mulo naga wiru ngetokne gaman payung agung sek guna ne dinggo ngalangi wiso racun e nogo brojo pati kui.. serangan wiso racun e kui lewat mripat e sek murup abang mbranang kyo geni.. mulo sopo wae sek nyawang mripat e bakal mati sak kal e.. soyo suwe perang tanding e tambah seru,, podo adu kesaktian,, kedigdayaan e.. prabu sukmo aji ngerti yen perang iki bakal imbang maneh,, kamongko stamina e wes podo kesel kabeh.. ora ono pilihan liyo,, langsung ngongkon eyang naga wiru ben jaluk ijin nang ratu segoro kidul kanggo nyileh tombak kurara reksa ne ratu segoro kidul..
Ora nunggu suwe,, banjur sak kelebatan tombak mau wes jembedul tekan kono,, karo eyang naga wiru lngsung di wenehne nang prabu sukmo aji.. wes,,,, sak kal tombak mau langsung di gunakne..
"Sssssseeerrrrrrttttttttttttttttttt,,,..
Ratu gedeng permoni mbi nogo brojo pati langsung kontal kabeh.. gedeng permoni lumpuh,, nogo brojo pati tanduk e tugel siji.
Ngerti nek ratu gedeng permoni mbi nogo brojo pati kalah,, prabu singo lodra banjur mlayu kabur gowo dewi condrowati.. semono ugo ratu gedeng permoni mbi nogo brojo pati yo melu kabur bubar dewe-dewe.. prabu sukmo aji mbi eyang naga wiru ora tingal diam nguyak prabu singo lodra ning akhire wes kelangan jejak e..
"Mekaten crito nipun cah bagus,," (wangsulane ratu segoro kidul)
"Dunyo percintaan iso gawe bubrah tatanan nek ora ngerti hakikat e roso ngelakoni titah sing ono nang jagat gumelar iki.," (jawabku)
"Njih leres niku cah bagus,, mulo roso iku kudu nyawiji dadi siji nang ati," (wangsulane ro mesem)
"Banjur pripun sakniki pawartose dewi condrowati,"? (pitakonku)
"Dewi condrowati dreng wonten wartos cah bagus,, mulo dewi lanjar bade nyuwun tulong kaleh njenengan lantaran kulo sek dados perwakilan," (jawabe ratu segoro kidul)
"Lho,, kok dewi lanjar mboten ngendiko langsung marang kulo piyambak,"?
"Meniko sungkan kaleh njenengan cah bagus," (sambi nyawang dewi lanjar)
"Terus niki kulo kedah pripun,?
"Nyuwun tulong, cobi cah bagus sawang ngangge netro qalbu nipun.. sakniki dewi condrowati dipun sandra wonten pundi,"?
"Ngapunten,, kulo mboten mangertosi, (kandaku)
"Cah bagus insya Allah di paringi pirso," (jawabe karo mesem guyu)
"Sekedap njih,, (sambi merem moco bissmillah)
Pas posisi merem kui,, aku sekilas weruh panggonan kerajaan sek manggone nang ngisor lemah daerah gunung wilayah jawa barat.. ono wanito sek di kurung nang kono,, mungkin iku dewi condrowati (batinku).. banjur tak critakno opo wae sek tak weruhi mau marang ratu segoro kidul.. bareng wes paham panggonan e sek di maksud mau,, ratu segoro kidul dawuhi putro mahkota ne kanggo jemput dewi condrowati.. ra butuh wektu suwe,, rombongan mau langsung budal mangkat tumuju jawa barat..
Mergo nang kono aku wes rumongso ora duwe kepentingan maneh,, banjur nembung ijin pamit muleh..
"Niki sampun wonten titik terang e,, kulo bade lajengan nyuwun pamit njih,," (tembungku marang ratu segoro kidul)
"Sekedap maleh cah bagus,, menawi njenengan kerso.. kulo bade kenal ne cah bagus kaleh Satrio Piningit..," (wangsulan e ratu segoro kidul)
"Satrio Piningit,"? (takonku sajak dadi bingung)
"Njih leres cah bagus,, sumonggo..,"
Akhire aku di ajak ratu segoro kidul budal nang panggonan sek primpen,, papan kanggo ngelatih lan bimbing Satrio Piningit.. jare ratu segoro kidul satrio piningit iki sek bimbing ono 4 sosok.. 3 laki laki,1 perempuan (ratu segoro kidul). Sak wis e tekan panggonan sek dituju,, banjur aku di kenalke mbi satrio piningit,, sek duweni jeneng Satrio P******* J*****,, sosok laki-laki muda gede duwur, gagah, ganteng, putih, wibowo,, kharismatik.. sak wis e aku ngeroso cukup,, banjur ijin pamit muleh..
Pas esuk e dino wayah wengi,, aku keprungu kabar yen dewi condrowati wes iso di gowo muleh nang kerajaan e dewi lanjar.. semono ugo prabu singo lodra yo wes di hukum..
*****
Sak wis e 6 sasi seko kedadean iku,, wektu bengi aku oleh telfon seko sedulur ku sek manggon nang jakarta.. jare anake bu dhe ku kesurupan.. niat e rep jaluk tulong mbi bapak ku,, ning bapak ku ora sanggup ngobati.. opo maneh jarak e yo adoh.. mergo aku ngeroso ora tegel mbi bu dhe ku,, banjur telfon e tak kon lounspeaker ben keprungu anak e sek lagi kesurupan.. telfon e di cerakne banjur terus tak jak ngomong,,
"Assalamualaikum,, njenengan sinten njih kok ganggu mbakyu ku,"?
"Aku ratu gedeng permoni," (jawab e karo bentak)
"Ratu gedeng permoni??,, njenengan niku mboten ono kapok e njih?," wingi wes lumpuh di ajar mbi putra mahkota.. saiki kok malah golek perkoro maneh mbi dulurku.. wes ndang lungo,, ojo nganti aku kasari njenengan.. nopo purun tak wacakne ayat qursy?..
"Nek kowe rep kasari aku,, opo meneh nganggo doa.. rogo bocah iki sek bakal nampani loro ne," (wangsulan e ratu gedeng permoni)
Keroso di wenei ancaman,, aku mung mesem wae sambi batin (al quran iku petunjuk dadi ora bakal dadi leloro).. ra nunggu suwe langsung wae tak wacakno ayat qursy,, alhmdulillah mbakyu ku terus sadar..
-SEKIAN-